---

IN DIE HOOGGEREGSHOF VAN SUID-AFRIKA

(BOPHUTHATSWANA PROVINSIALE AFDELING)

SAAKNR. 862/2004

In die saak tussen:

A T KESOLOFETSE EERSTE APPLIKANT

I F MOTLADI TWEEDE APPLIKANT

D & A G FOURIE BK h/a CASH FOR CASH

FINANCIAL SERVICES DERDE APPLIKANT

en

IMPALA PLATINUM BEPERK RESPONDENT

UITSPRAAK

LANDMAN R

[1] Die applikante verlang verlof om teen die geheel van die uitspraak wat ek in die hoofaansoek op 7 Februarie 2006 gelewer het, te appelleer.

[2] Die gronde waarop verlof tot appèl versoek word, word in the aansoek uiteengesit.

[3] Die submissies ten opsigte van diskriminasie is weereens voorgehou maar met ʼn klemverskuiwing. Die applikante beweer dat die respondent onderskei en diskrimineer tussen die applikante (en ander laer besoldigde werknemers wat aan die klokkaartstelsel onderhewig is) en hoër besoldigde werknemers ten opsigte van die wysiginge van hul bankbesonderhede.

[4] Die submissie gaan nie op nie. Die feitlike onderbou is nie gelê nie. Die applikante het nie ʼn hoër besoldigde werknemer geidentifiseer nie. Bowendien is daar ʼn algehele gebrek aan inligting ten opsigte wat ʼn hoër besoldigde werknemer moet doen ten einde sy of haar bankbesonderhede by die respondent te kan wysig.

[5] Ek is van mening dat ʼn ander hof nie redelikswys tot ʼn ander besluit sal raak nie en derhalwe word die aansoek met koste van die hand gewys.

_______________

A A LANDMAN

REGTER VAN DIE HOOGGEREGSHOF

VERSKYNING:

VIR DIE APPLIKANTE : ADV J L M SNIJMANN SC

VIR DIE RESPONDENT : ADV P G CILLIERS

PROKUREURS:

VIR DIE APPLIKANTE : GERHARD MAREE

VIR DIE RESPONDENT : VAN ROOYEN TLHAPI & WESSELS

DATUM VAN VERHOOR : 2 JUNIE 2006

DATUM VAN UITSPRAAK : 8 JUNIE 2006

---