---

VRYSTAATSE HOË HOF, BLOEMFONTEIN

REPUBLIEK VAN SUID-AFRIKA

Hersienings Nr. : 297/09

In die hersiening tussen:

DIE STAAT

en

RELEBOHILE AUGOSTINOS MASELI

_____________________________________________________

CORAM: CILLIé, R et VAN DER MERWE, R

_____________________________________________________

UITSPRAAK DEUR: VAN DER MERWE, R

_____________________________________________________

GELEWER OP: 1OKTOBER 2009

_____________________________________________________

[1] Die beskuldigde is op grond van sy pleit van skuldig daaraan skuldigbevind dat hy in besit was van 13 kilogram dagga in oortreding van artikel 4(b) van Wet Nr. 140 van 1992. Die beskuldigde is gevonnis tot ‘n boete van R2 000,00 of tien maande gevangenisstraf asook ‘n verdere tien maande gevangenisstraf wat in geheel opgeskort is vir vier jaar op voorwaarde dat die beskuldigde nie weer skuldigbevind word aan oortreding van artikel 4(b) of artikel 5(b) van Wet Nr. 140 van 1992 gepleeg gedurende die opskortingstydperk nie.

[2] Die beskuldigde is ‘n 24-jarige enkellopende en werklose burger van Lesotho. Volgens die pleit wat deur die staatsaanklaer aanvaar is, het die beskuldigde die betrokke dagga besit ten einde muti daarvan te maak, vir die verligting van verkoues en maagprobleme. Op ‘n navraag of die opgelegde vonnis gepas is vir besit van 13 kilogram dagga, het die landdros toegegee dat die vonnis onvanpas is en voorgestel dat die opgeskorte gedeelte daarvan tersyde gestel word. In al die omstandighede van hierdie saak, vind ek hierdie voorstel aanvaarbaar.

[3] Gevolglik word die opgeskorte gedeelte van die vonnis tersyde gestel, maar die verrigtinge origens bekragtig.

________________________

C.H.G. VAN DER MERWE, R

Ek stem saam.

____________

C.B. CILLIé, R

/sp

---